好耐無係黎個BLOG到寫野啦...一黎無咩時間啦,二黎我有另一個BLOG,所以黎個BLOG我唸黎緊既日子都唔會點寫架啦.....大家可以去我另一個BLOG到睇我既近況呀....

http://terryfanny.mysinablog.com/index.php

原來有成個月無係黎個blog到寫野啦~~

近排勁忙.....剛剛派完帖....以家只係有幾個人仲未覆我黎唔黎....都唔知點解有d人一聽到紅炸彈就好驚咁...問你地黎唔黎,又唔覆喎....係咪怕要比人情呢? 唔通朋友就係咁....如果比著我就無所謂,朋友結婚喎...計咩喎~~~

點都好...今日我請你,你唔黎.....將來唔好再請我....有原因有回音,唔黎無問題lor....無回音無原因,可能連朋友都無得做tim~~~

仲有2個多星期就係我既大日子....好似未緊張咁...因為以家最緊張係份research,要下個星期五交....唉!!!!交完就專心攪埋結婚d野啦~~~希望一齊順利啦

19/01(星期一)係公司既Annual dinner ! 個日下午4點就叫左tea食,有魚生啦,奶油豬仔包啦,魚片啦,壽司啦...同飲品,有香檳tim~但最終要等到5點先開始有得食呀....食飽飽就開始抽獎及玩game....我只係抽到16獎咋....15張海天堂龜靈膏卷+$700cash 算...都ok既....跟住d人粒就要玩game sponsor cash當利是比我地d staff 抽啦.....哈哈....比我抽到$810cash 呀,係最多個封利是黎架...之後我地每人都要玩一個game , win 左就有$100利是啦....easy ~~又拎到呀!!!玩到差唔多7點,我地全部人就一齊出發出海啦~~雖然boat既野就唔係咁好食,不過氣氛都ok既....有個日本同事仲幾靚仔下tim

今日係年廿八....本來唸住有得早收工....仲book埋做facial 架...點知因為要等gm 出bonus比我地,同埋review 埋,所以攪到6點幾先走到~~今次我又再加3%人工,計埋上次10%,total13%...真係算好好啦....不過我知黎緊一定會辛苦lor....不過無計!!!同埋出左bonus 都有一個月人工,不過因為我未做足一年,所以扣左d錢....好過無!!! 同埋,我終於同左gm 講話我黎緊3月會結婚啦....佢都無話咩,好彩咋 

聽日開始放新年假啦...好開心....足足9日....good!!!

黎排勁忙呀!!!日日都好似無咩時間咁既....番工又多野做喎....訓覺時仲可以唸緊公司d野既,台灣盤數真係waste左我好多腦力同時間呀

好想快d新年,今年可以放到年初七呀....可以好好咁抖下啦~~

唔知幾時先可以出bonus呢?又會唔會無呢?會唔會又加人工呢?......新既一年,就係新既開始!!!

琴日又開始番學啦....要做research.....proposal 1000字, final report 5000字呀.....仲要oral presentation tim~~oh no~~~~~

好耐都無係黎個blog到寫野啦!!近排好忙....放假都無時間去玩

剛剛去完台灣工幹...去之前勁緊張,因為gm要我開會,要唸定問題...我本身d普通話都麻麻架...所以真係好怕去台灣!!!

1/1 -  6點鐘機,今次自己一個人去台灣,好緊張....gm係台灣個邊等我....終於到左台灣,個晚同gm去左食涮涮火鍋....叫左個頂級牛肉...都ok既....埋單好似係NTD700到啦,,,HKD1兌NTD4  番到酒店,沖完涼後,就温下開會既稿...12點就訓.....今次係我第一次自己一個人係酒店到訓...有少少怕,但間room到唔錯,好大都好舒服

2/1 - 8點鐘早餐....8:30點出發去公司!!!!終於見到平時同我聯絡開既台灣同事stanley..比我想像中年青...之後gm,我同stanley 就即刻開會,傾下問題...好彩今次gm都有講...我只講左好少jer....因為趕時間去盤點嘛... 我,stanley 同埋3個台灣auditors一架車,去到倉庫,個庫都好大.....不過其實我都無咩做....都係跟住佢地行...大約1點鐘就盤完...stanley帶左我地幾個人去食泰國野,好好味,仲叫左好多....不過4個台灣人,要用普通話溝通...真係驚驚地...好彩佢地都慢慢講....

之後stanley帶我去專櫃參觀下...之後佢帶我去左故宮到行....本來約左gm晚上去士林夜市到食野,點知stanley又帶我去食野,我地2個人去食台灣最出名既小籠包..本來唸住我埋單架...點知佢又話唔駛喎

食飽飽佢就帶我買麻糬,我仲買左d牛舌餅...stanley買左2盒鳳梨酥,一盒送比我,一盒送比gm既...真係多謝哂~ 之後佢就送我番酒店啦!!!

9點到番酒店,仲早,沖個靚涼後,就睇電影....睇左一個好好睇既電影....好感人....睇完就訓啦~

3/1 - 10點半起身,睇下電影,12點就check out ....之後同gm去左買鴨舌等等既野....跟住去機場~

本來同佢一班機架...點知佢轉左早一班機呀...因為我唔可以轉機,所以最後自己一個人等到3點機.....6點番到家啦~

今次既旅程都算好順利...終於過我一直擔心既事....同埋今次我真係要全程講普通話...我覺得好勁...雖然講得唔好,但佢地都明喎...好彩